FRENZ 4 EVER

Shayari, FREE cards, Masti Unlimited, Fun, Jokes, Sms & Much More...

Frenz 4 Ever - Masti Unlimited

Hi Guest, Welcome to Frenz 4 Ever

Birthday Wishes : Many Many Happy Return Of The Day : ~ Harini, Mim2007, Mishra808, Simply_deepali.
Thought of The Day: "Be wise enough to walk away from the nonsense around you."

Usay Tum Kuch Nahi Kehna...!!!

Share
avatar
Deewana_89
Learner
Learner

Member is :
Online
Offline


Male

Taurus Snake

Posts : 130
Job/hobbies : playing cricket
KARMA : 0
Reward : 0

Mood : angry

Usay Tum Kuch Nahi Kehna...!!!

Post by Deewana_89 on Thu Oct 09, 2008 3:30 pm

Suno k Raigzaar-e-Umar Ka Yeh Akhri Zarra
Meri Bey Jaan Hatheli Se Phisalta Ja Raha Hay Ab
Meri Guzri Musafat Ki Thakan Ab Odh Ayi Hay
Mery Qasid...Suno... Janey Se Pehlay Itna Kehna Hay
Mery Ujrrey Shehar k Un Gali Koochon Mein Jao To
Jahan Bachpan Bitaya Tha...Jahan Sab Kuch Ganwaya Tha
To Uss Veeran Khandar Ko...Payaam-e-Aakhri Dena
Wahin Aangan Mein Dayein Hath Pe...Ek Pairr Dekho Ge
Usii Boorhay Shajar k Sin Raseeda Se Badan Par Tum
Mery Bey Rung Haathon Ki Lakeeron Ki Tarah...Ik Jaal Dekho Ge
Usii Peepal Ki Chhaon Mein
Kisi Masoom k Dil Ne...Kayii Sapney Sajaye Thy
Kisi Ki Aankh k Aansu...Kisi Dil Ne Bahaye Thy
Kisi Ki Jheel Aankhon Ne Kayii Sagar Lutaye Thy
Bohat Narmii Se Uss Peepal Ko Chho Kar...Itna Keh Dena
k Ab Aankhon k Yeh Darya..Kahin Sagar Nahi Hotay
Muqqadar Jin Ka Sota Hay...Kabhi Phir Vo Nahi Sotay
Usay Kehna Mery Qasid..!
Jinhon Ne Umar Sari Teri Chhaon Mein Basar Kar di
Vo Aakhir Pal Tumharey Paas Aa Kar...Kuch Na Keh Paye
Lipat Kar Tum Se Ro Lein Ge...Agar Duniya Mein Reh Paye
Suno Qasid..!
Wahan Se Chand Qadam k Faslay Par...Aik Chokhat Hay
Vohi Chokhat Hay Yeh Pyarey
Jahan Sajday Kiye Hum Ne...Jahan Par Zindagi Haari
Jahan Kuch Pal Jiye Hum Ne...Jahan Par Jaan Yeh Waari
Jawaan Margi Meri Par Shehar Yeh Matam Kanaan Hoga
Magar...Uss Aik Chokhat Par...Ajab Sa Hi Samaan Hoga
Wahan Raqsaan Sabhi Chehron Pe Kuch Ra'anaiyan Hon Gi
Wahan Bajtii Chaharon Soo...Bohat Shehnaiyan Hon Gi
Wahan Jis Ki Nazar Mein Jeet Janay Ki Thakawat Ho
Magar...Uss Dil Nasheen Chehray Pe...Gehrii Muskurahat Ho
Samjh Lena Mery Qasid...Yehi Qaatil Mera Thehra..!
Meri Aankhein Yeh Le Jao...Mera Yeh Kaam Kar Dena
Usay Jee Bhar k Takna Tum...Meri Aankhon Mein Bhar Lena
Usay Chupkey Se Keh Dena
Tumharii Jeet Ki Khatir...Yeh Jeewan Jis Ne Haara Hay
Nahi Tum Ho Sakii Uski...Vo Mar Kar b Tumhara Hay
Nahi...Balkey...Mery Qasid..!
Usay Tum Kuch Nahi Kehna...!!!
avatar
Deewana_89
Learner
Learner

Member is :
Online
Offline


Male

Taurus Snake

Posts : 130
Job/hobbies : playing cricket
KARMA : 0
Reward : 0

Mood : angry

Re: Usay Tum Kuch Nahi Kehna...!!!

Post by Deewana_89 on Fri Oct 10, 2008 6:52 pm

Ab aye mere ehsaas e junoon kia mujhe dena
Deriyaa use bakhsha hai tou sehraa mujhe dena

Tum apna makaan jab kero taqseem tou yaaro!
Girti hui deewar ka saya mujhe dena

Jab waqt ki murjhayi hui shaakh sanbhalo
Uss shaakh se toota hua lamha mujhe dena

tum mera badan ourh k phirte raho lekin
Mumkin ho tou ik din mera chehraa mujhe dena

Choo jaye hawa jis se tou khushboo teri aaye
Jaate hue ik zakhm tou aisa mujhe dena

Shab bhar ki musaafat hai gawaahi ki talabgaar
Aye subh e safer apna sitaara mujhe dena

Ik dard ka mela k laga hai dil o jaan main
Ik rooh ki awaaz k rasta mujhe dena

Ik taaza ghazal izn e sukhan maang rahi hai
Tum apna mehakta hua lehjaa mujhe dena

Wo mujh se kahin barh k museebat main tha *Mohsin
Reh reh k mager us ka dilaasa mujhe dena

    Current date/time is Sat Oct 21, 2017 8:39 am