kabhi khushi to kabhi gham ka saaya hai
zindagi tune mujhpar kaisa kehar dhaya hai
kuch pal ki khushiyan aur umar bhar ka gham
aie zindagi tune mujhe har pal aazmaya hai
pyar ke ehsaas ko apne dil me chupakar
aankhon me maine dard ka samandar banaya hai
hans to lete hain duniya ki bheed me
haste haste aksar hamne khud ko rulaya hai
teri yaadon ke siva ab mere paas kuch nahi
teri yaadon ko is kadar dil me basaya hai
teri har ek ada par gazal likh du main
kuch aisa khayal ab mere mann me aaya hai
na wo bewafa hai na main bewafa hoon
phir kyun ilzaam bewafai ka usne lagaya hai
ek baar un aansuon ko wo dekh to le aie khuda
jise maine sadiyon se in aankhon me chupaya hai