Bani gulab to kante chubha gaya ik shaKhs
hui chirag to ghar hi jala gaya ik shaKhs
tamam rang mere aur saare Khwaab mere
fasana kah ke fasana bana gaya ik shaKhs
main kis hawa mein udun kis faza me leharau
dukho ke jaal har-su bicha gaya ik shaKhs
palat saku main na aage badh saku jis par
mujhe ye kon se raaste laga gaya ik shaKhs
muhabbate bhi ajeeb us ki nafarate bhi kamal
meri tarah ka hi mujh me sama gaya ik shaKhs
wo mahtaab tha marham-ba-dast aaya tha
magar kuch aur siva dil dukha gaya ik shaKhs
khula ye raaz ke aayina-Khana hai duniya
aur is me mujh ko tamasha bana gaya ik shaKhs
hui chirag to ghar hi jala gaya ik shaKhs
tamam rang mere aur saare Khwaab mere
fasana kah ke fasana bana gaya ik shaKhs
main kis hawa mein udun kis faza me leharau
dukho ke jaal har-su bicha gaya ik shaKhs
palat saku main na aage badh saku jis par
mujhe ye kon se raaste laga gaya ik shaKhs
muhabbate bhi ajeeb us ki nafarate bhi kamal
meri tarah ka hi mujh me sama gaya ik shaKhs
wo mahtaab tha marham-ba-dast aaya tha
magar kuch aur siva dil dukha gaya ik shaKhs
khula ye raaz ke aayina-Khana hai duniya
aur is me mujh ko tamasha bana gaya ik shaKhs