FRENZ 4 EVER

Shayari, FREE cards, Masti Unlimited, Fun, Jokes, Sms & Much More...

Frenz 4 Ever - Masti Unlimited

Hi Guest, Welcome to Frenz 4 Ever

Birthday Wishes : Many Many Happy Return Of The Day : ~ Harini, Mim2007, Mishra808, Simply_deepali.
Thought of The Day: "Be wise enough to walk away from the nonsense around you."

....Ghazals.....

Share
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

....Ghazals.....

Post by kaash on Mon Dec 15, 2008 11:17 pm



safar-e-manzil-e-shab yaad nahii.n
log ruKhsat huye kab yaad nahii.n

[ruKhsat = to leave]

dil me.n har vaqt chubhan rahatii thii
thii mujhe kis kii talab yaad nahii.n

[talab = desire]

vo sitaaraa thii ke shabanam thii ke phuul
ik suurat thii ajab yaad nahii.n

[shabanam = dew]

aisaa ulajhaa huu.N Gam-e-duniyaa me.n
ek bhii Khvaab-e-tarab yaad nahii.n

[tarab = joy]

bhuulate jaate hai.n maazii ke dayaar
yaad aaye.n bhii to sab yaad nahii.n

[maazii = past; dayaar = place/residence]

ye haqiiqat hai ke ahabaab ko ham
yaad hii kab the ke ab yaad nahii.n

[haqiiqat = reality; ahabaab (plural of habiib) = friends]

yaad hai sair-e-charaaGaa.N "Nasir"
dii ke bujhane kaa sabab yaad nahii.n

[sair-e-charaaGaa.N = strolling through brightly illuminated paths]
[sabab = reason]


-Nasir Kazmi
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

bahut mila na mila zindagi se gham kya hai.....

Post by kaash on Mon Dec 15, 2008 11:25 pm



bahut mila na mila zindagi se gham kya hai
mataa-e-dard baham hai to besh-o-kam kyaa hai


ham ek umr se vaaqif hain ab na samajhaao
ke lutf kyaa hai mere meharabaan sitam kya hai


kare na jag men alaav to sher kis maqasad
kare na shahar me jal-thal to chashm-e-nam kyaa hai


ajal ke haath koi aa rahaa hai paravaanaa
na jaane aaj kii feharist me raqam kyaa hai


sajaao bazm ghazal gaao jaam taazaa karo
bahut sahi gham-e-geti sharaab kam kyaa hai


lihaaz me koi kuchh door saath chalataa hai
vagarnaa dahar me ab Khizr kaa bharam kyaa hai


-Faiz Ahmed Faiz
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

dard jab teri ata hai to gila kisse karen....

Post by kaash on Mon Dec 15, 2008 11:46 pm

dard jab teri ata hai to gila kisse karen
hijr jab tune diya ho to mila kisse karen

aks bikhra hai tera toot ke aayine ke saath
ho gayi zakhm nazar aks chuna kisse karen

main safar mein huun mere saath judaayi teri
humsafar gham hain to phir kisko juda kisse karen

khil uthe gul ya khule dast-e-hinaayi tere
har taraf tu hai to phir tera pata kisse karen

tere lab teri nigaahein tere aariz teri zulf
itne zinda hain to is dil ko riha kisse karein
avatar
Guest
Guest

Re: ....Ghazals.....

Post by Guest on Mon Dec 15, 2008 11:56 pm

nice colection kaash... flowers
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Mon Dec 15, 2008 11:57 pm


jab bhii aatii hai terii yaad kabhii shaam ke baad
aur baRh jaatii hai afsurdaa-dilii shaam ke baad

(afsurdaa-dilii : sadness of heart)

ab iraadoN pe bharosaa hai na taubaa pe yaqiiN
mujh ko le jaaye kahaaN tashnaa-labii shaam ke baad

(iraadoN : on promises; taubaa : penitence; tashnaa-labii : thirst of the lips)

yuN to har lamhaa terii yaad kaa bojhal guzraa
dil ko mehsuus huii terii kamii shaam ke baad

(lamhaa : moment; bojhal : difficult)

yuN to kuchh shaam se pahle bhii udaasii thii Adeeb
ab to kuchh aur baRhii dil kii lagii shaam ke baad

-Krishan Adeeb




avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Mon Dec 15, 2008 11:59 pm

@Baba wrote:nice colection kaash... flowers

shukriya baba.........thanku flowers
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Todna Toote Hue Dil Ka Bura Hota Hai....

Post by kaash on Tue Dec 16, 2008 12:05 am

Todna Toote Hue Dil Ka Bura Hota Hai
Jiska Koi Nahin Uska To Khuda Hota Hai

Todna Toote Hue Dil Ka Bura Hota Hai

Maang Kar Tumse Khushi Loon, Mujhe Manjoor Nahin
Kiska Maangi Hui Daulat Se Bhala Hota Hai

Todna Toote Hue Dil Ka Bura Hota Hai

Log Nahak Kisi Majboor Ko Kehte Hain Bura
Aadmi Achche Hain Par Waqt Bura Hota Hai

Todna Toote Hue Dil Ka Bura Hota Hai

Kyun Muneer Apni Tabahi Ka Ye Kaisa Shikwa
Jitna Taqdeer Main Likha Hai Ada Hota Hai

Todna Toote Hue Dil Ka Bura Hota Hai
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Tue Dec 16, 2008 12:16 am

munh ki baate sune har koi, dil ke dard ko jaane kaun
aawaazon ke baazaaron me khaamoshi pehachaane kaun

sadiyon sadiyon vahi tamaashaa rastaa rastaa lambii khoj
lekin jab ham mil jaate hain, kho jaataa hai jaane kaun

vo meraa aainaa hai main us ki parachhaaii hun
mere hii ghar me rahta hai, mujh jaisa hi jaane kaun

kiran kiran halkaa saa suraj, palal palak khulatii neenden
yun hi dil pighal rahaa hai, zarraa-zarraa jaane kaun

-Nida Fazli
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Tue Dec 16, 2008 6:34 pm


IK KHALISH KO HAASIL-E-UMR-E-RAVAA.N RAHNE DIYA
JAAN KAR HAM NE UNHE NAAMEHARABAA.N RAHNE DIYA

KITNI DIIVAARON KE SAAYE HAATH PHAILAATE RAHE
ISHQ NE LEKIN HUME BEKHVAANAMAA.N RAHNE DIYA

APNE APNE HAUSALE APNI TALAB KI BAAT HAI
CHUN LIYAA HAMNE UNHE SAARAA JAHAA.N RAHNE DIYA

YE BHII KYAA JEENE MEN JIINAA HAI BAGAIR UN KE "ADEEB"
SHAMA GUL KAR DI GAYI BAAQII DHUAA.N RAHNE DIYA




-ADEEB SAHARANPURI
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Tue Dec 16, 2008 6:47 pm



kuchh to ehasaas-e-ziyaa.N thaa pahale
dil kaa ye haal kahaa.N thaa pahale

ab to manzil bhii hai Khud garm-e-safar
har qadam sang-e-nishaa.N thaa pahale

safar-e-shauq ke far_sang na puuchh
vaqt beqaid-e-makaa.N thaa pahale

ye alag baat ki Gam raas hai ab
is me.n andeshaa-e-jaa.N thaa pahale

yuu.N na ghabaraaye huye phirate the
dil ajab kunj-e-amaa.N thaa pahale

ab bhii tuu paas nahii.n hai lekin
is qadar duur kahaa.N thaa pahale

Dere Daale hai.n bagolo.n ne jahaa.N
us taraf chashm-e-ravaa.N thaa pahale

ab vo dariyaa na bastii na vo log
kyaa Khabar kaun kahaa.N thaa pahale

har Kharaabaa ye sadaa detaa hai
mai.n bhii aabaad makaa.N thaa pahale

kyaa se kyaa ho ga_ii duniyaa pyaare
tuu vahii.n par hai jahaa.N thaa pahale

ham ne aabaad kiyaa mulk-e-suKhan
kaisaa sun_saan samaa.N thaa pahale

ham ne baKhshii hai Khamoshii ko zubaa.N
dard majabuur-e-fuGaa.N thaa pahale

ham ne roshan kiyaa maamuur-e-Gam
varnaa har simt dhuaa.N thaa pahale

Gam ne phir dil ko jagaayaa 'Nasir'
Khaanaa_barbaad kahaa.N thaa pahale



-Nasir Kazmi



avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Tue Dec 16, 2008 7:06 pm

aa ke patthar to mere sahan me.n do-chaar gire
jitane us pe.D ke phal the pas-e-diivaar gire

[sahan = courtyard; pas-e-diivaar = other side of the wall]

aisii dahashat thii fazaao.n me.n khule paanii kii
aa.Nkh jhapakii bhii nahii.n haath se patavaar gire

mujhe giranaa hai to mai.n apane hii qadamo.n me.n giruu.N
jis tarah saayaa-e-diivaar pe diivaar gire

[saayaa-e-diivaar = wall's shadow]

tiiragii chho.D gaye din me.n ujaale ke Khutuut
ye sitaare mere ghar TuuT ke bekaar gire

[tiiragii = darkness; Khutuut = letters]

dekh kar apane dar-o-baam laraz uThataa huu.N
mere ham_saaye me.n jab bhii ko_ii diivaar gire

[dar-o-baam = walls and roofs; laraz = tremble]
[ham_saaye = neighbourhood]

vaqt kii Dor Khudaa jaane kahaa.N se TuuTe
kis gha.Dii sar pe ye laTakii hu_ii talvaar gire

[Dor = string]

ham se Takaraa ga_ii Khud ba.Dh ke andhere kii chaTTaan
ham sambhal_kar jo bahut chalate the naachaar gire

haath aayaa nahii.n kuchh raat kii dal_dal ke sivaa
haaye kis mo.D pe Khvaabo.n ke parastaar gire

kyaa kahuu.N diidaa-e-tar ye to meraa cheharaa hai
sang kaT jaate hai.n baarish kii jahaa.N dhaar gire

[diidaa-e-tar = tear filled eyes; sang = stone]

dekhate kyo.n ho 'Shakeb' itanii bulandii kii taraf
na uThaayaa karo sar ko ki ye dastaar gire

[bulandii = height; dastaar = turban]


- Shakeb Jalali
avatar
Admin
Administrator
Administrator

Member is :
Online
Offline


Male

Virgo Monkey

Posts : 1633
Humor : Naughty

KARMA : 51
Reward : 152

Re: ....Ghazals.....

Post by Admin on Wed Dec 17, 2008 2:16 pm

Very nice collection Kaash bhai...keep on sharing Thums up


_________________________
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Wed Dec 17, 2008 11:43 pm

@Admin wrote:Very nice collection Kaash bhai...keep on sharing Thums up


thanks nilu......... sunny
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Wed Dec 17, 2008 11:44 pm

tujhii se ibtadaa hai tuu hii ik din i.ntahaa hogaa
sadaa-e-saaz hogii aur na saaz-e-besadaa hogaa


hame.n maaluum hai ham se suno mahashar me.n kyaa hogaa
sab us ko dekhate ho.nge vo hamako dekhataa hogaa


sar-e-mahashar ham aise aasiyo.n kaa aur kyaa hogaa
dar-e-jannat na vaa hogaa dar-e-rahamat to vaa hogaa

jahannum ho ki jannat jo bhii hogaa faisalaa hogaa
ye kyaa kam hai hamaaraa aur us kaa saamanaa hogaa


nigaah-e-qahar par hii jaan-o-dil sab khoye baiThaa hai
nigaah-e-mehar aashiq par agar hogii to kyaa hogaa


ye maanaa bhej degaa ham ko mahashar se jahannum me.n
magar jo dil pe guzaregii vo dil hii jaanataa hogaa

samajhataa kyaa hai tuu diivaanaagaanaa-e-ishq ko zaahid
ye ho jaaye.nge jis jaanib usii jaanib Khudaa hogaa


"Jigar" kaa haath hogaa hashr me.n aur daaman-e-hazarat
shikaayat ho ki shikavaa jo bhii hogaa baramalaa hogaa

-Jigar Moradabadi
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Wed Dec 17, 2008 11:46 pm


vo thakaa huaa merii baaho.n me.n zaraa so gayaa thaa to kyaa huaa
abhii mai.n ne dekhaa hai chaa.Nd bhii kisii shaaKh-e-gul pe jhukaa huaa

jise le ga_ii hai abhii havaa vo varaq thaa dil kii kitaab kaa
kahii.n aa.Nsuo.n se miTaa huaa kahii.n aa.Nsuo.n se likhaa huaa

[varaq = page]

ka_ii miil ret ko kaaT kar ko_ii mauj phuul khilaa ga_ii
ko_ii pe.D pyaas se mar rahaa hai nadii ke paas kha.Daa huaa

[mauj = wave]

mujhe haadaso.n se sajaa sajaa ke bahut hasiin banaa diyaa
meraa dil bhii jaise dulhan kaa haath ho mehandiyo.n se rachaa huaa

vahii Khat ke jis pe jagah jagah do mahakate ho.nTho.n ke chaa.Nd the
kisii bhuule-bisare se taaq par tah-e-gard hogaa dabaa huaa

[taaq = shelf; tah-e-gard = under the dust]

vahiii shahar hai vahii raaste vahii ghar hai aur vahii laan bhii
magar us dariiche se puuchhanaa vo daraKht anaar kaa kyaa huaa

[dariichaa = window; daraKht = tree]

mere saath juganuu hai ham_safar magar is sharar kii bisaat kyaa
ye charaaG ko_ii charaaG hai na jalaa huaa na bujhaa huaa

[sharar = spark/ember; bisaat = capacity/worthiness]

- Bashir Badr







avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Wed Dec 17, 2008 11:48 pm

vo har maqaam se pahale vo har maqaam ke baad
sahar thii shaam se pahale sahar hai shaam ke baad

har inqalaab-e-mubaarak har inqalaab-e-azaab
shikast-e-jaam se pahale shikast-e-jaam ke baad

mujh pe itanii tavajjo mujh se itanaa gurez
mere salaam se pahale mere salaam ke baad

charaaG-e-bazm-e-sitam hai.n hamaaraa haal na puuchh
jale the shaam se pahale bujhe hai.n shaam ke baad

ye raat kuchh bhii nahii.n thii ye raat sab kuchh hai
tuluu-e-jaam se pahale tuluu-e-jaam ke baad

vahii zubaa.N vahii baate.n magar hai kitanaa farq
tumhaare naam se pahale tumhaare naam ke baad

hayaat giriyaa-e-shabanam hayaat raqs-e-sharar
tere payaam se pahale tere payaam ke baad

ye tarz-e-fiqr ye rang-e-suKhan kahaa.N 'Qabil'
tere kalaam se pahale tere kalaam ke baad

-Qabil Ajmeri & Fayaz Razvi
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Thu Dec 18, 2008 7:01 pm

zaalim thaa vo aur zulm kii aadat bhii bahut thii
majabuur the ham us se muhabbat bhii bahut thii

us but ke sitam sah ke dikhaa hii diyaa ham ne
go apanii tabiyat me.n baGaavat bhii bahut thii

vaaqif hii na thaa ramz-e-muhabbat se vo varnaa
dil ke liye tho.Dii sii inaayat bhii bahut thii

yuu.N hii nahii.n mashhuur-e-zamaanaa meraa qaatil
us shaKhs ko is fan me.n mahaarat bhii bahut thii

kyaa daur-e-Gazal thaa ke lahuu dil me.n bahut thaa
aur dil ko lahuu karane kii fursat bhii bahut thii

har shaam sunaate the hasiino.n ko Gazal ham
jab maal bahut thaa to saKhaavat bhii bahut thii

bulavaa ke ham 'Ajiz' ko pashemaa.N bhii bahut hai.n
kyaa kiijiye kam_baKht kii shoharat bhii bahut thii

- Kaleem Ajiz
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Thu Dec 18, 2008 7:06 pm

zindagii jaisii tamannaa thii nahii.n kuchh kam hai
har gha.Dii hotaa hai ehasaas kahii.n kuchh kam hai

ghar kii taamiir tasavvur hii me.n ho sakatii hai
apane naqshe ke mutaabiq ye zamii.n kuchh kam hai

bichha.De logo.n se mulaaqaat kabhii phir hogii
dil me.n ummiid to kaafii hai yaqii.n kuchh kam hai

ab jidhar dekhiye lagataa hai ki is duniyaa me.n
kahii.n kuchh chiiz ziyaadaa hai kahii.n kuchh kam hai

aaj bhii hai terii duurii hii udaasii kaa sabab
ye alag baat ki pahalii sii nahii.n kuchh kam hai

-Shahryar
avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Fri Dec 19, 2008 10:00 pm


husn ko be-hijaab honaa thaa
shauq ko kaamayaab honaa thaa

hijr mein kaif-e-iztaraab na puuchh
khuun-e-dil bhii sharaab honaa thaa

tere jalvon mein ghir gayaa aakhir
zarre ko aafataab honaa thaa

kuchh tumhaarii nigaah kaafir thii
kuchh mujhe bhii kharaab honaa thaa

raat taaron kaa tutnaa bhii 'majaz'
baa_is-e-iztaraab honaa thaa

-Majaz Lakhnavi-

avatar
kaash
Member
Member

Member is :
Online
Offline


Male

Gemini Monkey

Posts : 349
Job/hobbies : shayri,music
KARMA : 0
Reward : 11

Mood : artistic

Re: ....Ghazals.....

Post by kaash on Fri Dec 19, 2008 10:02 pm


sar pe saayaa saa dast-e-duaa yaad hai
apane aangan mein ik ped thaa yaad hai

[dast = hand; duaa = prayer]

jis mein apnii pari.ndon se tashbiih thii
tum ko skuul kii vo duaa yaad hai

[parindaa = bird; tashbiih = comparison; skuul = school]

aisaa lagtaa hai har imtahaan ke liye
zindagii ko hamaaraa pataa yaad hai

[imtahaan = test; pataa = address]

maikade mein azaan sun ke royaa bahut
is sharaabii ko dil se Khudaa yaad hai

[azaan = call for prayer]

main puraanii havelii ka pardaa mujhe
kuchh kahaa yaad hai kuchh sunaa yaad hai

[havelii = mansion; pardaa = curtain]

- Dr. Bashir Badr



Sponsored content

Re: ....Ghazals.....

Post by Sponsored content


    Current date/time is Fri Dec 15, 2017 8:06 am