WO chehra sath sath raha jo mila nahi

WO chehra sath sath raha jo mila nahi
Kis ko talash karte rahe kuch pata nahi

SHidat ki dhoop tez hawaoon k bawajood
Mai Shakh se gira ho,nazar se gira nahi

Akher ghazal ka taj mehal bhi hai maqbara
Hum zindagi the hum ko kisi ne jiya nahi

Jis ki muqalifat hui mashoor hogaya
In patharon se koi parinda gira nahi

Tareekion mai or chamakti hai dil ki dhoop
Sooraj tamam raat yahan doobta nahi

Kis ne jalayen bastian,bazaar kyun loote
Mai Chand par gaya tha mujhey kuch pata nahi….