Aakhir-Kaar
Wafa-o-Ishq Par Hum Shayari Kis Qadar Likhen
Kahan Tak Hijr Likhen, Kab Talak Ranj-e-Jigar Likhen
Kabhi Toh Khud-Ba-Khud Humpar Udaasi Ki Inaayat Ho
Kabhi Dil Ko Udaasi Ke Na Hone Ki Shikayat Ho
Kabhi Tanhaai Ki Chahat, Kabhi Logo Se Bezari
Kabhi Mehfil Se Ho Nafrat, Kabhi Mehfil Lage Pyari
Kabhi Hum Bolne Par Aaye Toh Bole Chale Jaye
Kitaab-e-Zaat Ko Har Shaqs Pe Khole khole Chale Jaye
Kabhi Chup Ho Toh Patthar Ke Kisi Buth Ke Saman Guzre
Khamoshi Dil Lubhati Ho Toh, Sada Humko Garan Guzre
Kahan Tak Yaad-e-Maazi Ko Saath Lekar Hum Jiye Jaye
Hamesha Kis Tarha Shero'n Ko Ek Hi Rukh Diye Jaye
Kahan Tak Apne Daaman Ko Lahu Se Tar-ba-Tar Likhen
Kahan Tak Zindagani Ko Andheron Ka Bhanvar Likhen
Kabhi Apni Ujri Hui Haalat Banane Shehar Mein Nikle
Mohabbat Ke Bharam Ko Hum Bhulne Shehar Mein Nikle
Kabhi Hum Doston Se Zindagi Ka Gham Chupate Hon
Kabhi Gairon Ko Daastanein Dil Ki Sab Baaten Sunate Hon
Kabhi Hum Raunake Chahe Toh Kabhi Hum Veeranian Chahen
Ajeeb Si Baat Hai Khush Ho Toh Gham-Samaniya Chahe
Hua Tha Ishq Humko Bhi, Phir Gham-e-Hijr Mila Humko
Naya Kya Tha Isme Jo Hum Batayen Alaam Ko
Yunhi Itne Baras Ek Dillagi Ke Naam Kar Daale
Yunhi Shero'n mein Qisse Aashiqui Ke Naam Kar Daale
Yunhi Chanchal Sheher Ko Hum Udaasi Ka Nagar Likhen
Yunhi Aabaad Ghar Ko Kab Talak Veeraan Ghar Likhen
Zara Ab Waqt Ko Marham Lagane Ki Ijaazat De
Jigar Ke Zakhm Ko Ab Bhar Jaane Ki Ijaazat De
Kabhi Khud Par Udaasi Koi Bhi Taari Na Hone De
Kisi Gham Se Ab Iss Dil Ki Kabhi Yaari Na Hone De
Sheher Mein Sheher Waalon Ko Kabhi Ungli Na Uthane Ka
Koi Mauka Hi Na De Unhe Baataein Banane Ka
Chalo Yaksaaniyat Ko Shairy se Khatam kar Daale
Chalo Duniya Pe Pehle Se Zara Hatke Nazar Daale
Chalo Hum Zindagi Se Hijr Ka Mausam Badal Daale
Sukhan Ki Uss Purani Si Ravish Ko Hum Badal Daale
Chalo Hum Zindagi Ko Ummedon Ka Shehar Likhen
Kahan Tak Hijr Likhen, Kab Talak Ranj-e-Jigar Likhen
Kabhi Toh Khud-Ba-Khud Humpar Udaasi Ki Inaayat Ho
Kabhi Dil Ko Udaasi Ke Na Hone Ki Shikayat Ho
Kabhi Tanhaai Ki Chahat, Kabhi Logo Se Bezari
Kabhi Mehfil Se Ho Nafrat, Kabhi Mehfil Lage Pyari
Kabhi Hum Bolne Par Aaye Toh Bole Chale Jaye
Kitaab-e-Zaat Ko Har Shaqs Pe Khole khole Chale Jaye
Kabhi Chup Ho Toh Patthar Ke Kisi Buth Ke Saman Guzre
Khamoshi Dil Lubhati Ho Toh, Sada Humko Garan Guzre
Kahan Tak Yaad-e-Maazi Ko Saath Lekar Hum Jiye Jaye
Hamesha Kis Tarha Shero'n Ko Ek Hi Rukh Diye Jaye
Kahan Tak Apne Daaman Ko Lahu Se Tar-ba-Tar Likhen
Kahan Tak Zindagani Ko Andheron Ka Bhanvar Likhen
Kabhi Apni Ujri Hui Haalat Banane Shehar Mein Nikle
Mohabbat Ke Bharam Ko Hum Bhulne Shehar Mein Nikle
Kabhi Hum Doston Se Zindagi Ka Gham Chupate Hon
Kabhi Gairon Ko Daastanein Dil Ki Sab Baaten Sunate Hon
Kabhi Hum Raunake Chahe Toh Kabhi Hum Veeranian Chahen
Ajeeb Si Baat Hai Khush Ho Toh Gham-Samaniya Chahe
Hua Tha Ishq Humko Bhi, Phir Gham-e-Hijr Mila Humko
Naya Kya Tha Isme Jo Hum Batayen Alaam Ko
Yunhi Itne Baras Ek Dillagi Ke Naam Kar Daale
Yunhi Shero'n mein Qisse Aashiqui Ke Naam Kar Daale
Yunhi Chanchal Sheher Ko Hum Udaasi Ka Nagar Likhen
Yunhi Aabaad Ghar Ko Kab Talak Veeraan Ghar Likhen
Zara Ab Waqt Ko Marham Lagane Ki Ijaazat De
Jigar Ke Zakhm Ko Ab Bhar Jaane Ki Ijaazat De
Kabhi Khud Par Udaasi Koi Bhi Taari Na Hone De
Kisi Gham Se Ab Iss Dil Ki Kabhi Yaari Na Hone De
Sheher Mein Sheher Waalon Ko Kabhi Ungli Na Uthane Ka
Koi Mauka Hi Na De Unhe Baataein Banane Ka
Chalo Yaksaaniyat Ko Shairy se Khatam kar Daale
Chalo Duniya Pe Pehle Se Zara Hatke Nazar Daale
Chalo Hum Zindagi Se Hijr Ka Mausam Badal Daale
Sukhan Ki Uss Purani Si Ravish Ko Hum Badal Daale
Chalo Hum Zindagi Ko Ummedon Ka Shehar Likhen