Main jo mehka to meri shakh jala di us ne
Sabz mausam mein mujhe zard hawa di us ne
[sabz = green,flora , zard = yellow ]
Pehle ek lamhe ki zanjeer se bandha mujhko
Aur phir waqt ki raftar badha di us ne
Meri nakaam mohabat mujhe wapis kardi
Yun mere haath meri laash thama di us ne
Janta tha mujhe mout sakun bakhshegi
Wo sitamgar tha so jeeney ki dua di us ne
Us ke hone se thi saansein meri dugni shayad?
Who jo bichda to meri umar ghata di us ne