~* Tu hai gar mujh se khafa khud se khafa hu main *~

Tu hai gar mujh se khafa khud se khafa hu main,
Mujh ko pehechan ki teri hi adaa hu main,

Ek tujh se hi nahi fasl-e-tamana shadaab,
Wahi mausam hu, wahi aab-o-hawaa hu main,

Sabt hu dast-e-Khamoshi pe hina ki surat,
Nashunida hi sahi tera kaha hu main,

Chand ban kar tere aangan mein utar hi jaaun,
Raat ke pichale pahar mangi dua hu main,

Yu na murjha ki mujhe Khud pe bharosa na rahe,
Pichale mausam mein tere saath khilaa hu main,

Jaane kis raah chalu, kaun se rukh mud jaaun,
Mujh se mat mil ki zamaane ki hawa hu main...