Jab Hijr Ki Aag Jalati Hai Kuch Log Bohot Yaad Aate Hai,
Aankhon Mein Raakh Sajate Hai Kuch Log Bohot Yaad Aate Hai,
Yaadon Ki Garm Hawaaon Se Aankhon Ki Kaliyan Jalii Hai,
Jab Aansoo Dard Batate Hai Kuch Log Bohot Yaad Aate Hai,
Bedard Hawaaien Seh Seh Kar Sooraj Ke Dhalte Saaye Mein,
Jab Panchi Laut Ke Aate Hai Kuch Log Bohot Yaad Aate Hai,
Jab Log Jahaan Ke Kisson Mein Dam Bhar Ka Mauka Milte Hi,
Lafzon Ke Teer Chalate Hai Kuch Log Bohot Yaad Aate Hai,
Yeh Ishq Muhabbat Kuch Bhi Nahi Fursat Ki Kaaristani Hai,
Jab Log Mujhe Samjhate Hai Kuch Log Bohot Yaad Aate Hai,
Jab Kale Badal Ghir Aaye Aur Baarish Zor Ki Hoti Ho,
Darwaze Shor Machate Hai Kuch Log Bohot Yaad Aate Hai...