Aye Duur Nagar Ke Banjare
Aye duur nagar ke banjare kyun aaj safar ki thani hai
Yeh barish, keechar, sard hawa aur rah kathun anjani hai
Aa mehfil chup chup bethii hai aa mehfil ka jee shaad karain
Woh log ke tere aashiq hain, ke roz say tujh ko yaad karain
Woh thor thikanay dhoond chukay, woh manzil manzil chooh ayay
Ab aas lagaye bethay hain, kab dustak ho, kab tuu aye
Aye duur nagar k banjaray gar chor ke aisa jana tha
Kyun chah ki rah dikhani thi, kyun pyar ka haath barhana tha
Hai dunya ke hangamoun main rangeeni bhi ranaaii bhi
Har cheez yahan ki pyari hai, mehroomi bhi, ruswaii bhi
Sab log yahan par qismat ke be.torr thapairay sehtay hain
Par jeetay hain aur jeenay ki ik aas say chimtay rehtay hain
Aur tuu tau aik khilari tha, kyun khail hii say munh morr liya
Kyun jaan ki baazi haar gaya, kyun umer ka rasta torr liya
Go janay ke mushtaq yahan hum jaisay laakh becharay hon
Woh log hii rukhsat hotay hain jo log ke sab ko pyaare hon
Har saal ruttoun ki gardish say jab bees decambar aaye gee
Yeh ashk chama chum barsain gay, yeh aah ghata ban jaye gee
Tum arsh ke aik farishtay thay, bas farsh ki chokhat choom gaye
Tum tees baras tak dunya main maasoom rahay maasoom gaye
Ham yaad ki roshan shamaon say iss jee main ujala rakahin gay
Aur seenay main aabadi ka saamaan nirala rakhain gay
Tum ajnabi ajnabi rahon main jub thak jao tu ik kaam karo
Iss dil main aan qayam karo, iss seenay main basraam karo
Iss jug ki raat andhairee main ik taara tha woh doob gaya,
Aur waaday saath nibhanay k sab bhool bhula kar khoob gaya
Yeh Insha, Haroon, Zaid Bakr, sheeshon ka maseeha koi nahi
Sub dost hamare achay hain par kaun hai uss ka, koi nahi
Kyun naazuk naazuk seenon main gham ka torr pahar chalay
Kyun jug ke khail tamashon ka tum rung aur ruup ujaar chalay
Phir daikh zameen par keechar hai, phir daikh falak par paani hai
Aay duur nagar k banjaare kyun aaj safar ki thaani hai...
.
Aye duur nagar ke banjare kyun aaj safar ki thani hai
Yeh barish, keechar, sard hawa aur rah kathun anjani hai
Aa mehfil chup chup bethii hai aa mehfil ka jee shaad karain
Woh log ke tere aashiq hain, ke roz say tujh ko yaad karain
Woh thor thikanay dhoond chukay, woh manzil manzil chooh ayay
Ab aas lagaye bethay hain, kab dustak ho, kab tuu aye
Aye duur nagar k banjaray gar chor ke aisa jana tha
Kyun chah ki rah dikhani thi, kyun pyar ka haath barhana tha
Hai dunya ke hangamoun main rangeeni bhi ranaaii bhi
Har cheez yahan ki pyari hai, mehroomi bhi, ruswaii bhi
Sab log yahan par qismat ke be.torr thapairay sehtay hain
Par jeetay hain aur jeenay ki ik aas say chimtay rehtay hain
Aur tuu tau aik khilari tha, kyun khail hii say munh morr liya
Kyun jaan ki baazi haar gaya, kyun umer ka rasta torr liya
Go janay ke mushtaq yahan hum jaisay laakh becharay hon
Woh log hii rukhsat hotay hain jo log ke sab ko pyaare hon
Har saal ruttoun ki gardish say jab bees decambar aaye gee
Yeh ashk chama chum barsain gay, yeh aah ghata ban jaye gee
Tum arsh ke aik farishtay thay, bas farsh ki chokhat choom gaye
Tum tees baras tak dunya main maasoom rahay maasoom gaye
Ham yaad ki roshan shamaon say iss jee main ujala rakahin gay
Aur seenay main aabadi ka saamaan nirala rakhain gay
Tum ajnabi ajnabi rahon main jub thak jao tu ik kaam karo
Iss dil main aan qayam karo, iss seenay main basraam karo
Iss jug ki raat andhairee main ik taara tha woh doob gaya,
Aur waaday saath nibhanay k sab bhool bhula kar khoob gaya
Yeh Insha, Haroon, Zaid Bakr, sheeshon ka maseeha koi nahi
Sub dost hamare achay hain par kaun hai uss ka, koi nahi
Kyun naazuk naazuk seenon main gham ka torr pahar chalay
Kyun jug ke khail tamashon ka tum rung aur ruup ujaar chalay
Phir daikh zameen par keechar hai, phir daikh falak par paani hai
Aay duur nagar k banjaare kyun aaj safar ki thaani hai...
.