Socha nahi acha Bura

Admin wrote:

Socha nahi acha Bura, Dekha Suna kuch bhi nahi

Manga Khuda se raat-din, Tere siwa Kuch bhi nahi

Dekha Tujhe Chaha tujhe, Socha Tujhe Pooja Tujhe

Meri Wafa Meri Khata, Teri Khata kuch bhi nahi

Jis per Hamari Aankh ne, Moti bichaye Raat bhar

Bheja wohi Kagaz usey, Hum ne likha Kuch bhi nahi

Aur Ek Shaam ki Dehleez per, Bethey rahe wo Dair tak

Aankhon se ki Batain boht, Munh se kaha kuch bhi nahi

Do-Chaar din ki Baat hai, Dil Khaak mai mil jaye ga

Aag per jab Kagaz rakha, Baqi bacha Kuch bhi nahi

Jis per Hamari Aankh ne, Moti bichaye Raat bhar...Bheja wohi Kagaz usey, Hum ne likha Kuch bhi nahi...beautiful...

Shole hi sahi aag lagane ke liye aa,
Phir tuur ke manzar ko dikhane ke liye aa,

Ye kis ne kaha hai meri taqadir bana de,
aa apane hi haathon se mitaane ke liye aa,

Aai dost mujhe gardish-e-haalaat ne ghera
Tu zulf ki kamali mein chupane ke liye aa

Deevar hai duniya ise raahon se hataa de,
Har rasm muhabbat ki mitaane ke liye aa,

Matalab teri aamad se hai daramaan se nahi,
"Hasrat" ki qasam dil hi dukhane ke liye aa...

tuur = a mountain
aamad = coming
daramaan = cure

boht khoooooob nil bhaiii .....nice