>>!! Dil todna asan hai zaroor !!<<

Lab-e-khamosh se izhaar-e-tamanna chahe,
Baat karne ko bhi tasveer ka lahajaa chahe,

Tu chale saath to aahat bhi na aaye apani,
Daramiya ham bhi na ho yu tujhe tanha chahe,

Zahirii aankho se kya dekh sakega koi,
Apane baaton pe bhi ham faash hona chahe,

Khvaab mein roye to ehasas ho sairabi ka,
Ret par soye magar aankh mein dariya chahe,

Bhent chad jaun na main apane hii khair-o-shar ki,
Khoon-e-dil zabt kare zakhm tamasha chahe,

Zindagi aankh se ojhal ho magar khatm na ho,
Ek jahaan aur pas-e-parda-e-duniya chahe,

Aaj ka din to chalo kat hi gaya jaise bhi kata,
Ab Khudaa-band se khairiyat-e-fardaa chahe,

Aise tairak bhi dekhe hai hamane,
Garq hone ke liye bhi jo sahara chahe...