Ye raaste.........
kuchh aise bhi purane honge,
jinpe gujre kayi jamane honge,
jahan lautne ko dil na kare,
kyun wahan fir jaane honge.....
ki jinko bhool gaya tha main,
yaadon mein kyun wo reh gaye,
ya, baarish ke sard mausam mein,
khwaabon ke jharokhe se aaye honge.....
kuchh naye bhi raaste mile,
anjaan aur achhoote raaste,
tang jeewan ki galiyon mein,
apne mein simat te raaste.....
itne naye ki bass, khwabon se nikle hon,
jindagi ke sabj-baag dikhate raaste,
jinpe chalne se darta hai dil,
aise bewafa, bekadar raaste.....
abb bhi chalne se darta hai dil,
aise jakhm diye gehre ye raaste,
chalta hoon "SAGAR", fir pair kheench leta hoon,
kahin jakhm kuchh naye na dein raaste.....