Mere Qatil Ko Pukaro Ke Main Zinda Hu Abhi,
Phir Se Maqtal Ko Sanwaro Ke Main Zinda Hu Abhi,
Yeh Shab-E-Hijar To Saathi Hai Meri Barson Se,
Jao So Jao Sitaron K Main Zinda Hu Abhi,
Yeh Pareshan Se Gesuu Nahi Dekhey Jatey,
Apni Zulfon Ko Sanwaro Ke Main Zinda Hu Abhi,
Lakh Mojon Mein Ghira Hu Abhi Dooba To Nahi.
Mujh Ko Sahil Se Pukaro Ke Main Zinda Hun Abhi
Qabr Se Aaj Bhi Mohsin Ki Yeh Aati Hai Sadaa.
Tum Kahan Ho Mere Yaaron Ke Main Zinda Hun Abhi...