Hamari aankhein bhi ho jaye khoobru aankhein,
Hamari aankhon pe rakh de kabhi jo tu aankhein,
Hamesha rehti hai teri talash mein janaan,
Hamesha kerti hai teri hi aarzu aankhein,
Na jane konse jalwon ki justuju hai inhein,
Bhatak rahi hain faza main jo chaarsu aankhein,
Ye mojza bhi to kuch kam nahi ke shaam_o_sehar,
Tumhare hijr main rehti hain baa’wazu aankhein,
Tera firaq, teri justuju, teri hasrat,
Ye zakhm zakhm tabasum lahuu lahuu aankhein,
Naseeb mera bhi roshan ho surat_e_mehtaab,
Kabhi jo ker dain mohabbat ko surkhruu aankhein,
Bicher ke tujh se main zinda na reh saku shayad,
Na phairna kabhi meri taraf se tu aankhein,
Tumhein jo choo lu’n to hathon se khushbuyen phute,
Tumhein jo dekhun to ho jaye khobru aankhein,
Jahan labon ko hilana bhi jurm ho,
Wahan isharon main kerti hain guftgu aankhein...