Bhale hi jagade, gussa kare,
ek dusre pe toot pade,
ek dusre par dadagiri karne k liye,
aant mein ham dono hi honge...
jo kehna hai vo keh le,
jo karna hai vo kar le,
ek dusre k chasme aur,
lakadi dhudhne k liye,
aant mein ham dono hi honge...
Main rootu to tum mana lena,
tum rooto to main mana lunga,
ek dusre ko laad ladane k liye,
aant mein ham dono hi honge...
Aankh jab dhundhli hogi,
yaad-dast jab kamjor hogi,
tab ek dusre ko ek dusre mein,
dhudhne k liye,
ham dono hi honge...
Ghutne jab dhukne lagenge,
kamar bhi jukna bandh karegi,
tab ek dusre ke pav k nakhun katne k liye,
aant mein ham dono hi honge...
"Meri health ekdum normal hai,
I'm alright" aisa keh kar,
ek dusre ko behkane k liye,
aant mein ham dono hi honge...
Saath jab chut jayega,
bidai ki gadi jab aa jayegi,
tab ek dusre ko maaf karnek liye,
aant mein ham dono hi honge...
Last edited by Baba on Fri Dec 12, 2014 11:55 am; edited 1 time in total