FRENZ 4 EVER

Shayari, FREE cards, Masti Unlimited, Fun, Jokes, Sms & Much More...

Frenz 4 Ever - Masti Unlimited

Hi Guest, Welcome to Frenz 4 Ever

Birthday Wishes : Many Many Happy Return Of The Day : ~ Harini, Mim2007, Mishra808, Simply_deepali.
Thought of The Day: "Be wise enough to walk away from the nonsense around you."

Kuch Sher Ghalib ke Naam

Share
avatar
SourabhBasak
Administrator
Administrator

Member is :
Online
Offline


Male

Capricorn Pig

Posts : 5393
I LiveHyderabad

Job/hobbies : Storage Administrator
KARMA : 197
Reward : 613

Mood : crafty

F4e Status : Gham-e-Hayat ki tashreeh aur kya hogi,
Diya jalakar tarasta hu Roshni ke liye..

Kuch Sher Ghalib ke Naam

Post by SourabhBasak on Fri Nov 06, 2009 4:38 pm

diyaa hai dil agar us ko, bashar hai kyaa kahiye
huaa raqiib to ho, naamaabar hai, kyaa kahiye

ye zid, ki aaj na aave aur aaye bin na rahe
qazaa se shikavaa hame kis qadar hai, kyaa kahiye

rahe hai yuu. gah-o-begah ke kuu-e-dost ko ab
agar na kahiye ki dushman kaa ghar hai, kyaa kahiye

zih-e-karishma ke yuu.n de rakhaa hai hamako fareb
ki bin kahe hii unhe sab Khabar hai, kyaa kahiye

samajh ke karate hain baazaar me vo pursish-e-haal
ki ye kahe ki sar-e-rahaguzar hai, kyaa kahiye

tumhe nahii hai sar-e-rishtaa-e-vafaa kaa Khayaal
hamaare haath me kuchh hai, magar hai kyaa kahiye

unhe savaal pe zaom-e-junuu.n hai, kyuu ladiye
hame javaab se qata-e-nazar hai, kyaa kahiye

hasad sazaa-e-kamaal-e-suKhan hai, kyaa kiije
sitam, bahaa-e-mataa-e-hunar hai, kyaa kahiye

kahaa hai kisane ki "Ghalib" buraa nahii lekin
sivaay iske ki aashuftaa-sar hai kyaa kahiye

[aashuftaa_sar=mentally deranged/sar-phiraa]


_________________________
avatar
SourabhBasak
Administrator
Administrator

Member is :
Online
Offline


Male

Capricorn Pig

Posts : 5393
I LiveHyderabad

Job/hobbies : Storage Administrator
KARMA : 197
Reward : 613

Mood : crafty

F4e Status : Gham-e-Hayat ki tashreeh aur kya hogi,
Diya jalakar tarasta hu Roshni ke liye..

Re: Kuch Sher Ghalib ke Naam

Post by SourabhBasak on Fri Nov 06, 2009 4:38 pm

gaii vo baat, ki ho guftaguu, to kyonkar ho
kahe se kuchh na huaa, phir kaho to kyonkar ho

hamaare zahan me is fikr kaa hai naam visaal
ki gar na ho, to kahaa.n jaaye.n, ho to kyonkar ho

adab hai aur yahii kashamakash to kyaa kiije
hayaa hai, aur yahii gomago, to kyo.nkar ho

tumhii kaho ki guzaaraa sanam parasto.n kaa
buto.n kii ho agar aisii hii Khuu, to kyonkar ho

uljhate ho tum agar dekhate ho aaiinaa
jo tum se shahar me ho ek do, to kyonkar ho

jise nasiib ho roz-e-siyaah meraa saa
vo shaKhs din na kahe raat ko, to kyonkar ho

hame phir un se umiid, aur unhe hamaarii qadr
hamaarii baat hii puchhe na vo, to kyonkar ho

Ghalat na thaa hame Khat par gumaa.n tasallii kaa
na maane diidaa-e-diidaar juu, to kyonkar ho

bataa o us mishaa ko dekhakar ho mujh ko qaraar
yah nesh ho rag-e-jaa.n me faro, to kyonkar ho

mujhe junuu.n nahii.n Gaalib vale baqaul-e-huzuur
firaaq-e-yaar me.n taskiin ho to kyo.nkar ho


_________________________

    Current date/time is Mon Oct 23, 2017 8:01 am