meri zindagi tou firaaq hai wo azal se dil main makeen sahi
wo nigaah e shouq se door hain,rag e jaan se laakh qareeb sahi
humain jan dena hai aik din,wo kisi terah wo kahin sahi
humain aap khenchiye daar per jo nahin koi,tou hamin sahi
sar e toor ho sar e hashr ho,humain intizaar qubool hai
wo kabhi milain,wo kahin milain,wo kabhi sahi,wo kahin sahi
na ho un pe jo mera bas,nahin k ye ashiqui hai hawis nahin
main unhi ka tha,main unhi ka hoon,wo mera nahin tou na sahi
jo ho faisla wo sunaiye,ise hashr pe na uthaaye
jo karenge aap sitam wahan,wo abhi sahi,wo yehin sahi
usey dekhne ki jo lou lagi,tou Naseer dekh lain gey ham
wo hazaar aankh se door ho,wo hazaar perdah nasheen sahi