Zindgi Mein pehli Baar !!

Ek beqarari main doob kar,
Ek masti main jhoom kar,
Muhabbat ne apna Izhaar chaha!
Zindgi mein pehli baar.
Dil ne kisi ko dil se chaha!

Khawab bane Aarzoo ki tarha,
Umeed bani zindgi ki tarha,
Har Ehsaas ne Iqraar chaha!
Zindgi mein pehli baar,
Dil ne kisi ko dil se chaha!

Aitbaar ka hath thaam kar,
Yadoon ko hamrah le ker,
Is Masoom ne be-ikhtiar chaha!
Zindgi mein pehli baar,
Dil ne kisi ko dil se chaha!

Ek khoobsurat Etminaan ki tarha,
Tum hue hamari Duaa ki tarha,
Hum ne tumhein Toot ker chaha!
Zindgi mein pehli baar,
Dil ne kisi ko dil se chaha!!

Ishq fanaa ka naam hai, ishq mein zindagi na dekh,
Jalwa-e-aaftaab ban, zarre mein roshani na dekh,

Shauq ko rahanuma bana, jo ho chuka kabhi na dekh,
Aag dabi hui nikaal, aag bujhi hui na dekh,

Tujh ko Khuda ka wasta, tu meri zindagi na dekh,
Jiski sahar bhi shaam ho, usaki siyaah shavii na dekh...