zakhm bhar jaaye magar kyun dard yeh jata nahee
waqt ke kyun ghaanv marham koii bhar pata nahee
husn chhal hai,ek bh'ram hai bas nazar ka,ishq men
chot khaane par bhi kyun sach yeh nazar aata nahi
umar bhar maine bahaaye ashq ke dariyaa kaii
yaad men jiskii, vo mere zakhm sehlaata nahi
jab se dekhee hai fizaa maiN ne tere rukhsaar kee
koee mausam meree beenaee ko ab bhaataa naheeN"
dil peh ulfat kaa asar hai yaa nigaahooN kaa fareb?
aaiina bhi juz tere kuchh aur dikhlaata nahii
ranj hai is baat kaa loota di jis par zindagi
shaksh woH yaado se meri khud ko behlaata nahi
chal diye aangan se dil ke saaye teri yaad ke
aalam-e-tanhaayi kaa ab lutf bhii aata nahi
maan kar jis ko khudaa karte rahe ham bandagii
wehsato.n ke vaqt hee kyun reh'm dil aata nahi
haadse ne jab kisee maasoom ki hai jaan li
kyun khuda dil ko tere maatam ye pighlaataa nahi
mai kharaa hoon hausalo ki phir vahii chattaaN ban
aandhiyaa aaye agar, mai.n un se ghabhraataa nahii.n