Abb To Kisi Bhi Baat Pay, Aitbaar Nahin Hota .
Hotey Hain Bas Samjhotey Dilon Ke, Koi Pyar Nahin Hota...
Kitna Bhi Samjha Lein Hum, Iss Dil-e-Nadaan Ko,
Ek Qatra Kabhi, Koi Saagar Nahin Hota...
Dil Mein Liye Hasrat Kisi Ki Ye Umar Guzar Jaati Hai ,
Ke Taqdeer Pay Kisi Ki Apni, Ikhtiyaar Nahin Hota...
Lagte Hain Jo Pal Suhane, Woh Hain Maire Bas Khaabon Ke ,
Haqeeqat Mein Kabhi Khushi Ka, Deedar Nahin Hota...
Dhal Jaate Hain Ye Ashk, Ek Aur Gham Ki Raah Liye,
Inn Honthon Ko Ab Kisi Hansi Ka, Intezaar Nahin Hota ...