~* Kyun Itne qareeb ho ke bhi dur ho tum *~

Kyon door ho kar bhi,
Koi dil ke paas rehta hai,

Dil ke paas ho kar bhi,
Kyon us ka intezaar rehta hai,

Yeh kaisa dard hai,
Jo meetha sa lagta hai,

Mehfil mein hoon magar,
Mujhe tanha sa lagta hai,

Kyon ham har pal,
Unke khayaalon mein khoye rehte hai,

Unke hi khayaalon se,
Apni duniya sajaaye rehte hai,

Kyon lagta hai,
Ham unke bina adhoore hai,

Mil jaaye agar woh,
To saare sapne poore hai...

Tamanaon ko zinda aarzuon ko jawaan kar lun,
Yeh sharmili nazar kah de to kuch gustakhiyan kar lun,

Bahar aai hai, bulbul dard-e-dil kahti hai phulon se,
Kaho to main bhi apna dard-e-dil tumse bayaan kar lun,

Hazaron shokh armaan chutkiyaan le rahe hai dil mein,
Haya unki ijazat de to kuch be-baakiyan kar lun,

Koi surat to ho dunia-e-faani mein bahlne ki,
Thahar ja aye jawani maatam-e-umr-e-ravaan kar lun,

Mujhe dono jahaan mein ek voh mil jaayenge gar ,
To apni hasraton ko be-nayaaz-e-do-jahaan kar lun...