Jikra Bewafayi ka jab kiya jaayega,
uske saath tera naam liya jaayega,
haal achchha apna kahein to kis tarah,
jubaan khulegi jab JAAM piya jaayega,
aalam hai ki yahan koyi hamsafar nahi,
baat banegi jab kahin dil diya jaayega,
kahti hain wo, ki hamse milne ki unko fursat nahi,
tasalli hai, 'janaje' pe mil liya jaayega,
baat ki thodi si aur wo ruswa ho gaye,
banegi baat kaise, jo nahi kiya jaayega,
abhi to baithe hain khayaalon mein khoye hue,
dekhenge, jo mehfil mein hamein yaad kiya jaayega,
unki wasiyat thi ki janaje pe na roye koyi,
nayi baat nahi, dil thaam liya jaayega,
manjil ki ye daud to khatm hone se rahi,
chalo abb kabr mein araam kiya jaayega,
'usse' khabar hai ki uske intezaar mein 'Sagar',
yoon hi apna waqt barbaad kiye jaayega.....